01 de abril de 2018
01.04.2018

'Pescadores de historias' introdúcese no singular universo do porto do Berbés

O espazo da TVG que dirixe e presenta X. H. Rivadulla Corcón amosará como o factor humano é determinante para que o porto vigués ocupe un posto destacado no mundo

01.04.2018 | 00:44
X. H. Rivadulla Corcón, coas clasificadoras de peixe Mari Uca e Mari Fé.

Que o porto de Vigo, o Berbés, é un porto singular, distinto a calquera outro, é unha realidade. Destaca a enorme calidade humana que no Berbés se pode percibir, un universo conformado por preto de seis mil homes e mulleres. A aventura iniciase vendo como o pulso da vida no porto determínao o peixe que chega cada día. Pescadores de historias falará coa peixeira Blanca Misa. Ela compra cada día o peixe que logo vende de xeito ambulante polo concello de Tomiño. O factor humano foi e é determinante para que o Berbés ocupe un posto á cabeza de todos o portos do mundo.

De que non falte xeo encargase Doro Campo. Traballa na fábrica de xeo que abastece as lonxas, os barcos e as peixeiras. Clasificando o peixe traballan Mari Mariño, Uca Goce e Mari Fé García. É un dos traballos máis espectaculares e o que desenvolve Pancho Piñeiro, un dos escabicheiros que se dedican a despezar e eviscerar os grandes peixes, como espadas, atúns ou marraxos.

Unha figura central son os poxadores, tanto nas lonxas de altura e baixura coma na de mariscos, como é o caso de Alexandre Armada. Os espectadores tamén coñecerán a Marisa Vila, a encargada do restaurante que hai no porto do Berbés, que dá de comer a maioría dos traballadores, e a María Fernández, a cociñeira do restaurante. Outros sabios deste universo que falarán no espazo da Televisión de Galicia (TVG) son Cholo Torres, propietario dunha empresa de transporte de peixe, e Inés González, peixeira agora xubilada, que recolleu hai uns anos a medalla de prata do porto, pola súa dedicación ao Berbés.

Compartir en Twitter
Compartir en Facebook

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


En diciembre de 2018 el Circo del Sol representará su espectáculo OVO en A Coruña. Para celebrarlo en La Opinión sorteamos un pack de productos del mismo (taza, lámpara y bolsa)
¡Participa!

Lo último Lo más leído
Enlaces recomendados: Premios Cine