O magazine A Revista Fin de Semana achegará, de primeira man, as mellores propostas de medio cento de marcas de automóbiles e de motos que se dan cita na 27 edición do Salón do Automóvil, que se está desenvolvendo no Instituto Feiral de Vigo (Ifevi).

A presentadora María Solar conversará no estudio, por outra parte, co historiador Xerardo Agrafoxo, autor de O Portus Apostoli na Ruta Xacobea, para saber máis sobre a celebración dos 850 anos da sinatura fundacional da vila de Noia.

Con motivo da nova campaña de RSC que a Crtvg pon en marcha esta semana arredor do Día Mundial da Bicicleta baixo o lema Vive a Bici, co gallo de sensibilizar sobre o seu uso correcto en materia de seguridade viaria, saúde e propostas de ocio e de negocio, A Revista Fin de Semana recibirá ao ciclista Iván Montero.