03 de agosto de 2018
03.08.2018
Cartas de los lectores

Gaitas marcianas no deporte coruñés

03.08.2018 | 01:53

O Colectivo en Defensa da Gaita (CDG), a través deste escrito, quere manifestar de novo o seu malestar e indignación aos organizadores e colaboradores dalgúns dos eventos deportivos con repercusión a nivel estatal que dende hai uns anos veñen celebrándose na cidade da Coruña. Xa o fixemos cando aconteceu a Final da Copa do Rei de Baloncesto do ano 2016 e agora repetimos coa Final do Campionato Europeo de Hockey sobre patíns de hai uns días. Competicións nas que tamén colabora o Concello da Coruña a través da Concellería de Cultura, Deporte e Coñecemento e que semella impasible ante estes feitos que degradan a cultura musical de todo un pobo. O CDG considera inaceptable esta teima inxustificada de invitar á Real Banda de gaitas da Deputación de Ourense, unha formación musical pseudo-galega que semella máis de Escocia que de Galicia e que da unha imaxe errónea e confusa da nosa música alá por onde actúa, xa que emprega elementos copiados e inspirados nas bandas de gaitas escocesas, como moita xente xa sabe. É unha vergoña que esta agrupación pretenda amosar ao mundo que a súa música é xenuínamente galega, cando é todo menos iso. As súas gaitas, percusións, estética e vestimenta non nos representan. Por moito que algúns insistan, iso non é de aquí. Na Coruña e en moitos outros lugares de Galicia existen bandas de gaitas e agrupacións musicais que si soan a galego e que empregan elementos musicais propios da nosa terra, sen ter que recurrir a copias malfeitas. Non é necesario asumir como propio un modelo alleo nin amosar un incomprensible complexo de inferioridade con respecto a outras culturas. Basta xa de manipulacións malintencionadas que confunden e enganan á xente. Só pedimos respecto para a nosa música. Unha vez máis.

Colectivo en Defensa da Gaita (CDG).

LA OPINIÓN publica opiniones de sus lectores, así como réplicas y sugerencias de interés general que sean respetuosas hacia las personas e instituciones. Las cartas pueden ser enviadas a LA OPINIÓN por vía postal (C/ Franja 40-42 15001 A Coruña), por fax (981 217 401) o por correo electrónico/cartasaldirector@laopinioncoruna.com). Deben tener como máximo 20 líneas e incluir nombre, apellidos, DNI, domicilio y teléfono de contaco. LA OPINIÓN se reserva el derecho a extractarlas.

Cláusula Legal: LA OPINIÓN A Coruña S. L. (C/ Franja, 40-42, 15001, A Coruña), le informa que sus datos de carácter personal facilitados en este formulario de cartas al director, serán incorporados a nuestros ficheros y tratados automatizadamente. De acuerdo a la L.O.P.D. 15/1999 (Ley Orgánica de Protección de Datos), vd. podrá ejercer su derecho de acceso, rectificación, cancelación y oposición conforme a dicha ley. El titular de los datos se compromete a comunicar por escrito a la compañía cualquier modificación que se produzca en los datos aportados.

Compartir en Twitter
Compartir en Facebook
Enlaces recomendados: Premios Cine