14 de mayo de 2016
14.05.2016

Cen anos de compromiso coa cultura galega

O Concello, o BNG e entidades participan nos actos do centenario das Irmandades da Fala e en homenaxes a María no Día das Letras Galegas

14.05.2016 | 11:40
Manuel María dalle nome á biblioteca do instituto de Zalaeta.

As Irmandades da Fala xuntarán o mércores no Teatro Rosalía a figuras destacadas da cultura galega con motivo do centenario do nacemento do movemento cultural e a súa vinculación coa cidade. O acto, que conta coa colaboración do Concello, terá entrada libre e gratuíta ata completar a capacidade do recinto. Comezara ás 20.30 horas e haberá música e lectura de textos de Castelao, Antón Vilar Ponte, Ramón Cabanillas e Vicente Risco.

Participarán Cántigas da Terra, o Real Coro Toxos e Froles de Ferrol, a Coral de Ruada de Ourense y o grupo Cantigas e Agarimos no apartado musical. A escritora Estíbaliz Espinosa moderará unha homenaxe con, entre outros, os membros da Real Academia Galega Fina Casalderrey e Manuel Rivas, a profesora da Asociación para a Recuperación da Memoria Histórica Carmen García-Rodeja, a xornalista da Radio Galega Cristina Lombao, o dramaturgo Manuel Lourenzo e Manuel Lugrís, neto de Lugrís Freire, un dos fundadores das Irmandades da Fala.

O BNG tamén conmemora os cen anos da creación das Irmandades da Fala esta mañá desde as 12.00 horas. Organiza un roteiro teatralizado pola cidade que parte desde o Obelisco e percorrerá lugares emblemáticos vinculados a personaxes precursores do nacionalismo galego como a sede das Irmandades na rúa Franxa ou da Real Academia Galega. Haberá caracterizacións de Otero Pedrayo, Ánxel Casal, Elvira Bao ou Álvaro Cebreiro e asistirá a voceira nacional do BNG, Ana Pontón.

Nuns días de lembranzas culturais, o poeta Manuel María terá moito protagonismo. O homenaxeado o martes no Día das Letras Galegas será obxecto dunha xornada de portas abertas no Pazo de María Pita, onde se celebrará ás 12.00 dese día o acto Pregoa a voz! coa lectura pública dos seus textos desde o balcón do edificio municipal.

O mesmo 17 o Concello colaborará co Consello da Cultura Galega na organización do Concerto das Letras 2016, que se celebrará por vez primeira na cidade, e no que actuará a banda Milladoiro. Os convites para asistir ao espectáculo no Teatro Rosalía desde as 20.30 repártense no despacho de billetes da Praza de Ourense de luns a venres.

O poeta de Terra Chá será tamén lembrado ao longo da vindeira semana na biblioteca pública Miguel González Garcés cunha conferencia sobre a obra do autor, unha lectura de poemas e contos e mostras bibliográficas e de carteis.

A Fundación Galicia Obra Social súmase á celebración do Día das Letras Galegas con actividades para escolares e de carácter interxeneracional en centros de maiores de Galicia ao longo do mes, como contacontos para nenos de infantil e primaria e ilustración de poemas para escolares e maiores.

Tamén o centro comercial Espacio Coruña ofrece hoxe as 18.00 un espectáculo de monicreques baseado na obra de María e o obradoiro O meu libro tolo de poesía con versos tolos o luns á mesma hora.

Compartir en Twitter
Compartir en Facebook

Contenido patrocinado


Crecer dentro de la empresa. La formación como ventaja competitiva

Según un informe de PWC los profesionales más buscados son aquellos que apuestan por el reciclaje en nuevas habilidades

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es