18 de febrero de 2017
18.02.2017
A CORUÑA EMPRENDE

Esencias do Camiño e análises de alcohol no Politécnico de Santiago

28.03.2017 | 23:45
Expositor no CIFP Politécnico de Santiago para presentar os dous proxectos de miniempresas.

O CIFP Politécnico de Santiago participa no programa Lanzadeiras da Consellería de Cultura, Educación e Ordenación Universitaria e a Fundación Alcoa, no que tamén colabora LA OPINIÓN, con dous proxectos de miniempresas: Laboratorios AEPEC e Laboratorios Eneo. En ambos traballan alumnos do ciclo formativo superior de Laboratorio, Análise e de Control de Calidade. No primeiro deles, dous grupos de catro persoas en cada un elaboran produtos cosméticos ecolóxicos e aceites esenciais con herbas beneficiosas para a saúde presentes no Camiño de Santiago, ás que denominan Esencias do Camiño.

Os estudantes que participan nesta iniciativa xa estiveron buscando as mellores herbas na ruta e facendo varias probas no laboratorio ata decantarse polas que consideran as mellores combinacións para poñer a venda: xabón con esencia de lavanda, crema de ortigas e esencia de romero.

No caso do Laboratorio Eneo, os alumnos ofertan a marcas de bebidas, viticultores ou mesmo particulares analises de todos os parámetros que precisen das bebidas alcohólicas que comercialicen, non só da graduación. As análises abranguen datos como o nivel de alcohol, a masa, volume, azucres e sacarosas, cor, acidez, porcentaxe de zinc e cobre...

Aparte do traballo no laboratorio, os participantes aprenden todos os pasos para constituir os seus proxectos como empresas e pasan por todalas fases. Unha delas, a de marketing, xa tiveron ocasión de poñela en práctica a comezos de febreiro durante a semana de portas abertas do centro, cando aproveitaron para montar un stand con mostras destas dúas iniciativas e o seu logotipo identificador para dalos a coñecer entre os asistentes doutros centros educativos.

O programa Lanzadeiras forma parte da terceira edición de A Coruña Emprende, co que a Xunta e a Fundación Alcoa buscan promover o espírito emprendedor no alumnado e fomentar o desenvolvemento de características persoais como a creatividade, a iniciativa, a asunción de riscos, a responsabilidade e a innovación. Lanzadeiras Coruña está enfocado á creación dunha ducia proxectos de miniempresas en dez centros educativos da provincia. Participan o CIFP Ánxel Casal e o CPR Plurilingüe Esclavas Sagrado Corazón de Jesús, na Coruña; o IES de Viós de Abegondo; o IES Isaac Díaz Pardo de Sada; o CIFP Ferroltera e o IES Leixa, en Ferrol; o IES de Ortigueira; o IES San Clemente e o CIFP Politécnico de Santiago; e o CEIP de Sigüeiro. O IES de Viós e o CIFP Politécnico de Santiago participan con dúas miniempresas cada un.

O programa arrancou o 19 de xaneiro nunha actividade presencial -algunhas serán online- que contou coa presenza dos coordinadores das miniempresas de todos os centros participantes. A iniciativa contempla ademais a visita dos formadores que colaboran coa Xunta aos centros seleccionados para que poidan asesorar in situ tanto aos coordinadores como aos alumnos coas dificultades que poidan xurdin durante o proceso de creación da miniempresa. Os alumnos do CIFP Politécnico de Santiago tiveron onte a oportunidade de mellorar as súas miniempresas coa axuda dun experto e o luns coñecerán máis segredos do emprendemento na xornada formativa Habilidades para o éxito.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine