03 de diciembre de 2017
03.12.2017

Camiño de 2018

03.12.2017 | 00:47

Dous anos e medio despois da chegada do novo Goberno municipal, a xestión deportiva na cidade de A Coruña ofrece unha serie de liñas de actuación que acreditan a prosperidade deste ámbito ao tempo que amosan un itinerario de cambio ou evolución tranquila, consecuencia dunha análise e observación marcadas pola procura de coherencia. Logo de 30 meses de traballo, a vontade de integración, a carencia de sectarismo, o énfase na atención á saúde, a capacidade para tecer alianzas de cidade, a continuidade do moito e aproveitable de etapas precedentes e a confianza nos vimbios laborais existentes reforzan ao Servizo Municipal de Deportes no Concello da Coruña.

A coidada organización da Copa do Rei de baloncesto ou da Regata de Grandes Veleiros en 2016 advirten desde o inicio da versátil capacidade, con moitas áreas involucradas, para construír eventos, foran estes regulares ou excepcionais, modestos ou máis grandes. Herdando con responsabilidade en ocasións contratos e/ou compromisos de gobernos anteriores e deseñando iniciativas, no horizonte aparece agora a Regata de 2020, mentres os diferentes deportes reciben atención e se consolidan tanto torneos como proxectos. As infraestruturas ambiciosas non rexeitan facer obras como a das cubertas do estadio de Riazor, un complexo polideportivo no Castrillón con xestión pública, o novo tartán para as pistas de Elviña e a infinidade de reparacións e mantementos nos recintos deportivos espallados pola cidade, un plan de mantemento e actualización de instalacións coa difícil tarefa de atender á abultada demanda cidadá.

A insistencia nas infraestruturas urbanas e exteriores; a gratuidade, accesibilidade e aposta pola saúde vertebrada en torno ao programa Coruña en Forma acompañan a un aspecto esencial, a reorganización interna, a necesidade de axustar administración pública e tecido deportivo a un mundo onde deben prevalecer a formación (Xogos Escolares, Escolas Deportivas Municipais), a concorrencia, a igualdade de oportunidades e o equilibrio entre dereitos e deberes.

Así, o Plan de finais de 2016 Activa o Deporte contribúe a favorecer un calendario claro, concreto e compartido da actividade deportiva na cidade. A reformulación recente da ordenanza municipal, que debe entrar en vigor a inicios de 2018, obxecto de estudo en paralelo ás bases de reparto das instalacións municipais, evita a a suxeición a taxas públicas para a actividade física nos adestramentos e as competicións. Unha aspiración das entidades que remata con anos de incómodo limbo legal e permite a gratuidade de uso, ao tempo que a opción de taquilla para os clubes. O aumento das contías nas subvencións a entidades -en 2017, 200.000 euros máis-, un prazo que nesta última convocatoria remata o martes 5 de decembro, perfecciona convocatorias anteriores e permite unha participación menos restritiva das entidades.

Last but not least, son moitos os proxectos que agardan a súa plasmación en 2018. A elaboración dun código de conducta máis responsable para as instalacións, a creación de órganos sectoriais na procura dun mellor entendemento, a difusión de novos deportes, a solución a unhas bases náuticas ou a insistencia nos criterios obxectivos como vínculo óptimo na relación coas entidades son algúns deles.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine