20 de diciembre de 2017
20.12.2017

A música tradicional máis libre

Pedro Lamas, Jacobo de Miguel e Xosé Lois Romero presentan esta tarde o disco 'Azougue', nun concerto gratuíto no Museo de Belas Artes

20.12.2017 | 00:49
Pedro Lamas, Jacobo de Miguel e Xosé Lois Romero nunha imaxe promocional.

Pedro Lamas, Jacobo de Miguel e Xosé Lois Romero presentan esa tarde Azougue, o primeiro traballo discográfico dun proxecto no que conflúen as traxectorias persoais de cada un dos artistas para conformar unha nova identidade. O disco foi gravado ao vivo o pasado mes de setembro no Museo de Belas Artes e a ese mesmo lugar volverá hoxe, para o seu concerto de presentación. O recital comezará ás 20.30 horas e a entrada será libre até completar o aforo. O traballo conta con dez composicións e con colaboracións especiais, como a de Xurxo Souto, que se encarga de dar voz ás verbas de Eduardo Pondal, no seu poema A vizosa, pracibre Cecebre.

"É o meu proxecto máis persoal, no que mellor me sinto representado, porque me expreso con total liberdade creativa nel", describe Lamas, que leva colaborando con De Miguel dez anos, aínda que é a primeira que fan un disco conxunto. "Recollín unhas liñas mestras da música tradicional galega e con elas fun xerando unhas pezas que, na miña imaxinación musical, debuxan esas paisaxes sonoras", explicou o pianista asturiano. Lamas toca en Azougue o saxo soprano e a gaita, entre outros instrumentos e Romero, as percusións.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine