O músico e escritor Xurxo Souto percorreu onte os lugares máis senlleiros do barrio de Monte Alto con motivo da “presentación itinerante” da reedición da súa primeira novela, O retorno dos homes mariños. Unha comitiva, que partiu da biblioteca da asociación de veciños de Monte Alto, tivo a oportunidade de visitar, baixo a guía de Souto, os escenarios principais da obra.