Hai cousas que fican imperecedoiras entre nós; o noso patrimonio, as pedras megalíticas, os carballos milenarios, o mar bravo e poderoso, a terra cos seus ríos, regatos, valados, flores, herbas e plantas, nun mar de vida, ese mesmo mar, esa mesma terra que nos acubilla, é Pedro Brandariz, quen ademais sementou e segue a sementar risas, sorrisos, e momentos pracenteiros que segue a compartir con todas e todos nós.

O seu sorriso e a súa gargallada sempre agromaron del para repartilos a eito coas demais! Desde as táboas ás butacas e máis alá.

Semente a súa, sempre, sempre de vencer e de vivir!