A cidade, un museo a ceo aberto
Iria Fafián, Sekone, Peeta e outros artistas tomarán os muros de diversos barrios da cidade con motivo do proxecto Itsmo
Os museos son recipientes que agochan, entre as súas paredes, todo tipo de marabillas. Porén, ás veces os museos son os propios muros. O festival Istmo, precisamente, nace con esa vocación: que as propias rúas da cidade dean acubillo ás disciplinas artísticas cuxas dimensións non collen ás salas convencionais. Converter a a cidade nunha grande galería de arte pública. “Levamos 15 anos facendo murais. Levar a cabo este evento supón que poidan perdurar no tempo e ir creando un museo ao aire libre, que todo o mundo poida disfrutar dos grandes artistas”, conta Javier Mourón, Mou, un dos organizadores do festival, que conta co patrocinio do Concello.
Sekone, Iria Fafián, Peeta, Alba Fabre, Miguel Peralta e Mr. Sortwo son os artistas escollidos para a primeira edición do festival. Os artistas terán á súa disposición cadanseu lenzo en branco nas paredes de distintos barrios da cidade e todo un universo de posibilidades que plasmar. Non hai fío condutor nin temática proposta, só confianza plena no executor de cada peza. “Unha das patas do festival é a liberdade artística. Confiamos na xente que vén traballar, que teñen un bagaxe de moitos anos. Non podemos dicirlle a un artista o que ten que facer, iso sería facer un encargo, que é outra cousa”, matiza Mou. As dúbidas sobre os deseños quedarán, porén, disipadas axiña. Sekone será o encargado de iniciar as accións hoxe sobre o muro da Escola Municipal de Música, poñendo a primeira pedra das seis intervencións murais que se estenderán ata o próximo día 23 en localizacións como os centros Alborada, Rosalía de Castro e María Barbeito, a Piscina de Riazor e a Praza das Conchiñas. A dispersión da iniciativa por distintos barrios responde á propia vocación do proxecto: descentralizar as manifestacións artísticas e achegalas á veciñanza de todos os distritos.
Tamén desa mesma intención bebe o nome escollido, Istmo, que remite ao accidente xeográfico sobre o que se constrúe a cidade: “A Coruña é un istmo, e queriamos facer a conexión da Cidade Vella co resto dos barrios e coas zonas novas, afondar no concepto de levar a arte moderna a todos os barrios da Coruña, que a xente se faga con eles, que fagan seus os muros”, contextualiza Mou. A iniciativa, con vocación de permanencia, busca enganchar aos públicos diversos ás disciplinas urbanas. Por iso, o día 22, as actividades complétanse cunha exhibición en directo de pintura ao vivo en Santa Margarita ofrecida por dous artistas galegos, Nove Noel e Yoe33, que mesturarán graffiti e ilustración sen trampa, cartón nin artificios para quen queira achegarse.
As manifestacións artísticas propostas no Istmo beben dunha cultura que, nos seus albores, alá polos 90 e os primeiros 2000, mesturaba o graffiti coa música e o baile conformando así un universo urbano que, coa popularización das artes, foron tomando camiños diferenciados. O día 22, a cultura urbana reivindicarase no seu conxunto coas actuacións de Fillas de Cassandra, Bejo e Boyanka Kostova en Santa Margarita. “Agora está todo máis homoxeneizado, sería bonito volver aunar música e arte nun todo”, propón Mou.
Suscríbete para seguir leyendo
- Un hombre pierde la vida al caer al mar en la ensenada del Orzán de A Coruña
- El crucero Ventura atraca en A Coruña por una emergencia
- Cuatro detenidos por golpear y apuñalar repetidas veces a un viandante ante un pub del Orzán, en A Coruña
- Roban de madrugada en una óptica de A Coruña y se llevan gafas de elevado precio
- El Concello de A Coruña prepara la petición para congelar alquileres con las condiciones que pide la Xunta
- Migrantes y ONG esperan que la regularización acabe con la marginación de los ‘sin papeles’
- Ingresan en prisión provisional los detenidos por la agresión en el Orzán
- Oportunidad inmobiliaria en Os Castros: casa familiar de tres dormitorios cerca de la playa por menos de 200.000 euros