A Coruña celebra o Día das Letras Galegas con música, lecturas e unha concentración
REDACCIÓN
A lectura pública de textos de Francisco Fernández del Riego é o acto central da programación promovida polo Concello hoxe para a celebración do Día das Letras Galegas. Ademais, a plataforma cidadá Queremos Galego, da que forman parte máis de 500 entidades, concentrarase ás 12.00 horas no Obeliscio baixo o lema En galego aquí e agora. Nesta concentración participarán Xulio López Valcárcel, Tino Fraga, Isabel Naveira e Telmo Cillero para explicar como é a situación do galego nos seus respectivos sectores (xustiza, ciencia, escena e deporte). Ademais o acto contará coa actuación do grupo de pandereteiras de Zóscalle e rematará coa lectura dun manifesto.
A celebración continúa nos xardíns de Méndez Núñez coas actuacións das agrupacións folclóricas e culturais Aturuxo, Donaire e Son D´Aquí a partir das 11.00 horas. Despois chegará a quenda de Cántigas da Terra e o espectáculo poético musical Chulísima, con Aldaolado, dúo poético formado polas poetas María Lado e Lucía Aldao.
Pola tarde, desde as 18.00 horas, haberá tempo para a literatura, co faladoiro A Coruña Literaria, no que participarán Carmela Galego, Jorge Castro e María Xosé Bravo, para a historia, co faladoiro A Cidade, coa participación de Felipe Senén e Xosé Alfeirán e coa mestura de poesía e música, cun espectáculo protagonizado pola poeta Lúa Mosquetera e o músico Pablo Seijas. Durante toda a tarde haberá tamén un obradoiro no que os participantes terán a oportunidade de elaborar pulseiras de coiro.
Ademais, as bibliotecas municipais proseguen coa súa programación especial para celebrar o Día das Letras Galegas. Hoxe a biblioteca de Durán Loriga programará, desde as 18.00 horas, o encontro-obradoiro Pequena Fauna do Cantigueiro de Cotobade: cantigas, debuxos e pandeiretas, con David Carballal, para rapaces de entre 5 e 12 anos.
- Estos son los horarios del nuevo AVE que unirá A Coruña con Madrid en mayo
- Colas nocturnas para matricularse en la Escuela Infantil de Padre Rubinos, en A Coruña
- El nuevo blindaje de la Torre: ni el faro iluminado de colores ni hogueras, y restricciones a mascotas y pruebas deportivas
- El Superior reconoce a una mujer de A Coruña el derecho paro tras trabajar durante una excedencia por maternidad
- Sindicatos y usuarios muestran decepción por la llegada de solo dos trenes Avril a Galicia
- El Concello de A Coruña permitirá habitar los pisos de Visma cuando el ‘parking’ soterrado esté finalizado
- ¿Cuál es la diferencia entre AVE, Avril, Avlo o Alvia? Todo lo que debes saber de los nuevos trenes que llegarán a A Coruña en mayo
- Urbanismo concede licencia para construir 32 viviendas en Xuxán a una cooperativa