Recitais, música, baile e obradoiros para celebrar o Día das Letras Galegas
Celebración do Día das Letras Galegas nos xardíns de Méndez Núñez. / LOC
RAC
Centos de persoas celebraron esta mañá o Día das Letras Galegas nun acto nos xardíns de Méndez Núñez, no que se levou a cabo unha lectura pública de textos de Francisco Fernández del Riego, autor homenaxeado este 2023. Os grupos folclóricos Aturuxo, Donaire e Son D’Aquí sumáronse á festividade xunto a Cantigas da Terra e o espectáculo de poesía e música ‘Chulísima’, de Aldaolado, un dúo poético formado por María Lado e Lucía Aldao.
Pola tarde hai faladoiros. ‘A Coruña Literaria’ conta coa participación de Carmela Galego, Jorge Castro e María Xosé Bravo e en ‘A Cidade’ estarán Felipe Senén e Xosé Alfeirán, ademáis dun espectáculo de poesía e música protagonizado pola poeta Lúa Mosquetera e o músico Pablo Seijas. Tamén se desenvolverá pola tarde un faladoiro no que os participantes elaborarán pulseiras de coiro.
Actuacións musicais no Día das Letras Galegas. / LOC
Concerto da Banda Municipal
O teatro Colón acolle este xoves, a partir das 20.00 horas, un concerto da Banda Municipal de Música da Coruña para homenaxear o Día das Letras Galegas. A actuación, que será de acceso libre ata completar a capacidade do auditorio, estará acompañada polo coro e grupo instrumental tradicional Cantigas da Terra. Tamén participará o gaiteiro José Manuel López ‘Josele’ como artista invitado.
No concerto se interpretarán pezas de música galega tradicional e novas vangardas. O público poderá disfrutar da estrea de dúas obras dos compositores León Durán e Simón Couceiro na primeira parte do concerto. Na segunda, a Banda Municipal e o coro de Cantigas da Terra achegaranse a interpretación clásicas do folclore coruñés, así como á figura do gaiteiro Emilio Corral, ao que está previsto homenaxear cun bloque musical específico.
Programación
Mércores 17. Día das Letras Galegas.
Xardíns de Méndez Núñez
- 18:00h. Faladoiro: A Coruña Literaria, presentada pola A.C. Alexandre Bóveda.
- Participan Carmela Galego, Jorge Castro e Mª Xosé Bravo.
- 18:00h-21:00h. Obradoiro: Realización de pulseiras de coiro (2 quendas).
- 19:30h. Faladoiro: A Cidade. Marta Otero e Lois Alcayde conversan con Felipe Senén e Xosé Alfeirán.
- 20:30h. Faladoiro: Espectáculo poético musical: Lúa Mosquetera (acompañada de Pablo Seijas).
Xoves 18
- Biblioteca Castrillón. 18:00h. Contacontos O Paroleiro, con Pablo Pablísimo (4-8 anos).
- Biblioteca Ágora. 18:00h. Contacontos. Romaría, contos e lendas da nosa terra, con Raquel Queizás. (3-8 anos).
- Teatro Colón. 20:00 h: Concerto da Banda Municipal de Música
Venres 19
- Biblioteca Fórum. 18:00h. Contacontos. Contos para escoitar mentres bailamos un valse, co Caxoto (4-8 anos).
- Centro Sociocultural Ágora. 21:00h. Concerto ÁgoraSon: Os Sons Esquecidos, con Abraham Cupeiro
- Estos son los horarios del nuevo AVE que unirá A Coruña con Madrid en mayo
- El Superior reconoce a una mujer de A Coruña el derecho paro tras trabajar durante una excedencia por maternidad
- El crucero Ventura atraca en A Coruña por una emergencia
- El nuevo blindaje de la Torre: ni el faro iluminado de colores ni hogueras, y restricciones a mascotas y pruebas deportivas
- Colas nocturnas para matricularse en la Escuela Infantil de Padre Rubinos, en A Coruña
- El Ayuntamiento de A Coruña exige 3,5 millones a la antigua concesionaria del servicio de parques y jardines
- Avances en Visma: los promotores piden licencia para el parking y los pisos se podrán habitar cuando esté hecho
- Sindicatos y usuarios muestran decepción por la llegada de solo dos trenes Avril a Galicia
