Unha gran cita na tempada da Banda Municipal

A Banda Municipal de Música da Coruña chega este domingo a unha das súas grandes citas desta tempada do Ciclo de Inverno: o concerto no Colón que dirixirá o alacantino Óscar Navarro, formado entre España e os Estados Unidos, e que actualmente forma parte da Academia del Cine Español e dos Latin Grammy como académico. Navarro, oriúndo de Novelda, conta con máis de vinte galardóns na súa traxectoria, tamén cun nomeamento aos Goya.

Outra das figuras será o coruñés Daniel Vlashi, como solista de violín. Vlashi, que está a dar os seus primeiros pasos como violinista da Filharmónica de Berlín, leva a música no seu sangue, xa que o seu pai, Florian, é un dos violinistas que integran a Sinfónica de Galicia.