Reforzar o galego dende Instagram e YouTube

As estatísticas amosan que o descoñecemento do galego crece entre os máis novos, pero algúns mozos, alumnos da Universidade da Coruña (UDC) loitan contra a perda da lingua coas armas da modernidade. A primeira edición da Cátedra Vegalsa-Eroski UDC acaba de entregar dous premios, ao mellor traballo de fin de grao de temática galega das carreira de Comunicación Audiovisual e ao de Creación Dixital, Animación e Videoxogos, a dous proxectos colectivos que apostan por preservar o idioma e cultura da comunidade con formatos pensados para YouTube e Instagram.

Desenredando la tecnología

Noticias, herramientas y recomendaciones sobre tecnología de una forma amena y sin tecnicismos

Me apunto

Esta última rede social é o obxectivo de Larapetas, de Lucía Seoane, Uxía Campos e María Zapata. «Lucía é de Cambre e María e máis eu somos de Cospeito», explica Campos, que explica que viña afeita a comunicarse sempre en galego e notou un cambio «bastante brusco» ao chegar á Coruña para estudar Creación Dixital. Así que, para o proxecto de fin de grao, quixeron facer «apoloxía do galego», e, como os mozos de 18 a 25 anos «botan unha media de tres horas ao día en Instagram», fixeron un proxecto de vídeos explicativos presentados por un sapoconcho dixital.

O galego, un idioma de ida e volta, con Aquí tamén se fala!

As pezas comezan «explicando algún tema de ortografía, gramática ou léxico» sen querer «promover o galego normativo perfecto: o importante é falalo» e cun estilo accesible. Falan de curiosidades de Galicia, da súa cultura e da gastronomía, pensando en falantes de galego e en persoas que o están aprendendo.

Humor en galego dos máis novos en ‘Gargallada’

En Comunicación Audiovisual gañou Arraigo, de Joel Esteves, Elisa Piñón e Jorge Alabau. Como explica este último, trátase dunha serie de documentais de 20 minutos, en formato pensado para publicarse en YouTube, cada un deles adicado a un elemento da identidade galega. Chegaron a facer un, adicado ao mar, pero hai outros proxectados para o monte, a gastronomía, o clima ou as lendas.

O galego, dos libros e da tele, ás rúas e ás tendas da Coruña

No capítulo piloto trataron a relación co mar de galegos de varias xeracións. Hai unha avoa dunha familia mariñeira de Cariño, e pola idade mediana está Adrián Coira, que no seu taller da Coruña, Fair Enough, dá unha «segunda vida» a plásticos recollidos no mar. Tamén participa «unha persoa xoven, o surfista Alejo Ferreiro», das Rías Baixas, e o formato inclúe entrevistas curtas a xente nova, unha xeración na que o mar «está máis focalizado ao ocio que ao traballo». Para chegar a eles, a estratexia de Arraigo é facer «moito contido de redes sociais, TikTok e Instagram».