James Rhodes, ¿futuro alcalde da Coruña?

O pianista James Rhodes, como cada vez que visita A Coruña, amosa nas súas redes sociais canto goza da cidade e da lingua galega. O británico, que contou recentemente que busca casa aquí, publicou unhas fotos dunha a 20 minutos do centro que lle pareceu "unha das casas máis fermosas" que viu na súa vida. Tamén agradeceu a mensaxe de benvida que lle escribiron en galego no Hotel Finisterre.

Ademais, tivo tempo para sacar moitas fotos de todo canto vía. "Como é posible que non fagas cen fotos ao día nesta cidade?, preguntaba. A este respecto, xa fantasea pensando en cando sexa o máximo mandatario do Concello. Como o voso novo alcalde, dareilles a cada neno unha cámara para crear e gardar recordos", proclama.

Tamén preguntaba nunha última publicación se de verdade habería peor tempo no verán en Oleiros ou Bergondo que nas Rías Baixas.