Manel Cráneo asinará cómics durante oito horas no Festival de Moeche

Despois dun ano no circuito, Os Lobos de Moeche de Manel Cráneo segue dando guerra. Demo Editorial contará cun stand de venta durante o festival onde se poderán adquirir este e demais títulos editados polo selo.

Para a ocasión, o autor fará un maratón de sinaturas de 12.00 a 20.00 que incluirá unha presentación do cómic na taberna Os Irmandiños ás 13.00 horas e que contará tamén coa presenza de Miguel Teixido, xerente da entidade Euroeume.

O resto do día, o autor situarase no torreón do castelo para resistir as hordas de lectores que por alí se acheguen, armado de lápiz e pincel. Cráneo xa estivo convidado o ano anterior ao festival para dar o pregón.

O álbum editado por Demo Editorial en colaboración con Euroeume estase a converter nun clásico da banda deseñada galega, con varios miles de exemplares vendidos nun ano, e comeza a falarse xa dunha posible segunda entrega protagonizada de novo por Lopo e Martín de Ferreira.