"Gustoume a gala e realmente os premios estiveron moi repartidos entre todos os candidatos", recoñece Iván Méndez sobre o acto de entrega de galardóns que se celebrou onte no Teatro Rosalía. "Os premios parécenme moi importantes porque premian o esforzo individual e colectivo do deporte minoritario", argumenta sobre a recompensa que supón para os deportistas un recoñecemento como o que recibiron onte. "Creo que os deportes minoritarios son os que máis o merecen", engade o integrante de Fillos de Breogán encol da visibilidade que recibiron disciplinas representadas na Gala do Deporte.
