Sergio Álvarez formou parte do once inicial e, despois do descanso, deixou o seu sitio na portería a Diego Mariño. O gardameta asegurou que foi un día moi especial para todos. "Foi un partido que tiñamos moitas ganas de xogar", confesou.
O gardameta do Celta comentou que non lle importou deixar de descansar estos días para vestir a camisola da selección galega por vez primeira. "Por este partido perdería días de vacacións unha e mil veces", dixo cun sorriso.
Sergio analizou o encontro, no que según a súa opinión "Galicia dominou". "Sobre todo na primeira parte, tocando o balón", engadíu. O meta sentiuse "orgulloso" dos seus compañeiros.
Iago Aspas, que foi aplaudido en Riazor, dixo sentirse "moi cómodo". "Houbo moita calidade", comentou, e destacou a Pedro Mosquera: "Xa lle direi ao Celta a ver se o fichan".
