O Colexio Profesional de Enxeñaría en Informática de Galicia (CPEIG) outorga o premio Iniciativa Empresarial da XI Noite da Enxeñaría en Informática de Galicia, que se celebrará o 28 de xuño, a Hijos de Rivera pola súa transformación dixital. A estratexia online da compañía galega fundaméntase "en diversos pilares, como son a industria 4.0, cliente conectado, intelixencia artificial (IA) e analítica avanzada, eCommerce, innovación tecnolóxica e talento emprendedor" .