O candidato do PSOE á Alcaldía de Oleiros, Jorge Pérez, adiantou onte as medidas a tomar en materia de medio ambiente, entre a que destaca a promoción da "reforestación do municipio", afectado por numerosas talas e perdas de cubertas vexetais para construír urbanizacións. "De seguir así a única pranta que quedará será a margarita de Alternativa', asegurou. Pérez tamén propón a creación de espazos acoutados onde as mascotas poidan estar en liberdade, ademais de establecer colaboracións con ecoloxistas e protectoras de animais. Outra medida é a prevención de lumes forestais.
