Entrevista | Antonio Deibe Alcalde de Irixoa e candidato polo PP
“Ampliar o abastecemento de auga en Irixoa vai ser unha das nosas prioridades”
“Queremos rehabilitar unha antiga escola como centro de día”
Antonio Deibe, alcalde de Irixoa e candidato polo PP. / Antares Pérez
Quinta campaña electoral xa, como a leva?
Ben, con normalidade, como sempre.
Acaba un mandato complicado, marcado pola pandemia...
Si, tivemos unha lexislatura moi complicada, complicadísima, pero fomos solventando como puidemos, axudando en todo o que puidemos.
E despois da pandemia veu a inflación. Precisamente hai uns meses queixábase das dificultades dos concellos pequenos como Irixoa para afrontar a subida da luz, os combustibles…
Si, é certo, saes dunha pandemia e agora a guerra de Ucraína… É un contexto económico moi complicado. Tivemos moitísimas dificultades, a inflación estaba polas nubes e o Concello tivo que facer moitos números para chegar a fin de ano pagando todas as facturas.
Que prioridades márcase para o próximo mandato se revalida a Alcaldía?
Pois seguir traballando como ata o de agora. Ampliar o abastecemento de auga, que vai ser primordial, seguir coas redes de sumidoiros en pequenas fases e nos núcleos que máis o necesitan. Bueno, como sempre… Aglomerar os viais en todos os núcleos para que os veciños circulen por boas estradas. En servizos sociais traballar para seguir sen lista de espera. Igual, igual.
E algún equipamento novo que precisen especialmente? Hai tempo falaba da importancia dun centro de día...
Bueno, acabamos de dar licencia para unha residencia xeriátrica de trinta prazas e temos unha antiga escola que a queríamos rehabilitar para centro de día ou casa do maior, a ver... É un proxecto moi caro pero estamos aí a ver se conseguimos algunha axudiña da Xunta ou a Deputación.
Hai un punto no que teñen que mellorar, alcalde, refírome á paridade. Son nove na lista do Partido Popular, sete homes a dúas mulleres e a primeira no posto sétimo....
Si, si, estou totalmente de acordo, pero o malo é atopar candidatas para que vaian nos postos de arriba. No rural son reacias, mira que dei un repaso polo concello buscando candidatas, eh? Iso pásanos á maioría dos grupos. Igual está algo mellor o do BNG, algo, pero bueno...
O PSOE leva unha muller de cabeza de lista...
O PSOE si, si, é certo, seguiremos tentando incorporar a máis mulleres en postos altos, pero é difícil.
- Los partidos que ganaron las votaciones en los barrios de A Coruña
- Encuesta electoral en A Coruña: La falta de mayorías aboca al PSOE a buscar pactos por la izquierda para retener el poder
- Encuesta electoral en Sada: Sadamaioría se afianza como lista más votada y podría liderar un tripartito de izquierdas
- Rioboo se desploma de 12 a 8 concejales y pierde la mayoría absoluta en Culleredo
- Resultados elecciones Sada | Sadamaioría afianza su liderazgo, logra un edil más y gobernaría con mayoría absoluta si pacta con BNG y PSOE
- “Es muy bonito defender el comunismo desde un chalé en Oleiros”
- El BNG niega a Rioboo la absoluta: “Hay gente que nos vota a condición de no apoyarlos”
- Tenso fin de mandato en Sada: Crisis de gobierno en un bronco pleno a solo cuatro días de las elecciones
