As altas presións continuarán estacionarias sobre as Illas Británicas na xornada do venres en Galicia, de maneira que achegarán aire cálido desde o sur e fará que aumente a inestabilidade no interior.
O ceo estará pouco nubrado ou despexado durante a mañá, con nubes de estancamento no litoral cantábrico e, xa pola tarde, haberá nubes de evolución no interior, que deixarán algún chuvasco tormentoso, máis probable na montaña de Lugo e Ourense, segundo Meteogalicia, que depende da Consellería de Medio Ambiente.
As temperaturas, pola súa banda, experimentarán un lixeiro ascenso, polo que a sensación será de calor na metade sur. Os ventos soprarán frouxos de compoñente norte durante a mañá, aumentando pola tarde.
