13 de septiembre de 2018
13.09.2018

Unha nova política forestal

13.09.2018 | 02:00
Unha nova política forestal

Estamos nun momento singular: desde o Parlamento de Galicia, con transversalidade, conseguimos impulsar un cambio nunha política como a forestal, que afecta a dous terzos do noso territorio. Con participación social e rigor técnico, a partir dunha esixencia universal de consenso á que quixemos dar unha resposta positiva. Por riba do 80% das recomendacións son compartidas por todos os grupos.

Non lle estamos poñendo nota ao Goberno de Feijóo en política forestal. Estaría ben suspenso. Non. Estamos poñéndolle deberes a este e a outros gobernos do futuro.

Ten lugar unha rectificación en profundidade da política forestal levada a cabo polo goberno da Xunta de Galicia nos últimos 10 anos, poñendo en valor as medidas emprendidas entre os anos 2005 e 2009 (Banco de Terras, incremento dos terreos forestais para aproveitamento gandeiro extensivo; proxectos multifuncionais, equilibro entre as especies...).

Pasaremos dun sector forestal sen control, na que os máis fortes impoñen a súa lei, a un sistema equilibrado, cunha intervención pública que compensa ao mercado, orienta as decisións e traballa polo ben común e a sustentabilidade. Con regras e control sobre o seu cumprimento. Con novos mecanismos de participación social (Consello das Comunidades de montes veciñais de man común, os Comités Forestais de Distrito...) e unha anual rendición parlamentaria de contas. Condicionando ao novo Plan Forestal en exposición pública, que tería que recoller estas recomendacións. Agora non aprobamos o Plan Forestal: poñémoslle deberes.

Coa nova política estará máis próximo un monte que compatibilice a función produtiva, a ecolóxica e a social, multifuncional, que capte investimentos, ordenado, dentro dunha organización xeral do territorio. Con xestión conxunta das superficies, manexado con profesionalidade, no que se promovan as frondosas e se poña límites aos monocultivos, con comunidades veciñais vivas, pero con solucións viábeis e control público para os montes degradados ou abandonados. Con máis prevención, liberando aos concellos de soportar en solitario esta carga, e un dispositivo público unificado de actuación contra os lumes.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia