“Queremos más ecoloxismo, feminismo e diversidade no Bloque»

Gustavo Barcia, edil en Mos, lidera a candidatura do recentemente constituído colectivo Alicerce. Reivindica más ecoloxismo, feminismo e diversidade no BNG. Percibe certa remuda xeracional na súa organización, que é unha fronte de partidos, como lembra, pero considera necesario que ese cambio de garda teña máis intensidade para que entre máis xente nova e non só no Bloque, senón en todas as organizacións políticas.

Por que presenta Alicerce a súa candidatura?

Presentámonos aos órganos de dirección para profundar en tres aspectos fundamentais: organización interna, feminismo e diversidade e ecoloxismo.

Que falta neses ámbitos?

Non se trata tanto de que cambiar, senón de profundar nestes eidos. No ecoloxismo, por exemplo, estamos nun momento crítico reaccionario, igual que no feminismo, e no ámbito interno estamos nun bo momento electoral, pero é cando máis hai que reforzar a organización, a formación interna, mobilizando a militancia.

Por primeira vez desde que Ana Pontón opta ao liderado, hai tres listas e a UPG pide máis coralidade e menos presidencialismo. Como o interpreta?

Como algo positivo. Somos unha organización importante e a xente quere implicarse. Desde fóra pode verse como unha crise interna, pero non o é. A realidade é que hai moita diversidade de opinións. Ademais, cómpre ter en conta algo que moita xente non sabe: o BNG non é un partido ao uso. É unha fronte de partidos e hai varias organizacións dentro. Iso é o que o fai tan rico.

Está baixo cuestión o liderado de Pontón?

Para nada, aquí o que hai é un debate de fondo máis que de liderado. Pode pensarse que me presento a portavoz nacional, pero non é a miña intención. Alicerce quere estar nos órganos de dirección para dar os debates que cremos necesarios.

A UPG pide un posicionamento máis ortodoxo, co soberanismo en primeira liña. Que opina?

Hai unha política do día a día, por así dicilo, da actividade parlamentaria, das leis... pero tamén hai outra política de fondo máis de cuestionar o sistema establecido e nós imos nesa liña.

Hai quen interpreta que se vive unha remuda xeracional no BNG e que iso tamén xera tensións. Compárteo?

Si, hai certa remuda, pero aínda debería haber máis en xeral, non falo só do grupo parlamentario ou do BNG. Refírome a todos os partidos. Nós somos a primeira forza entre os menores de 25 ou 30 anos e iso debería reflectirse máis.

Que obxectivos teñen para a asamblea do domingo?

Queremos entrar nos órganos de dirección, pero o máis importante é dar os debates. Se votan 2.000 militantes, podemos chegar ao 10%, pero é moi complexo predicir un resultado.

Suscríbete para seguir leyendo