25 de septiembre de 2012
25.09.2012
A Coruña

Caña de herbas para os londinenses

O Consorcio As Mariñas adxudica por 127.118 euros unha campaña de promoción da comarca na capital británica que inclúe concerto e degustación de comida e bebida

25.09.2012 | 11:15
Vista xeral do Canary Wharf en Londres. / la opinión

O Consorcio As Mariñas quere conquistar Londres polo estómago. Acaba de adxudicar un contrato á empresa Adhesión Mercantil Coruñesa, SL para facer un concerto e degustacións de viños, licores e comidas típicas da comarca coruñesa na capital británica coa fin de atraelos como turistas. O vindeiro outubro farase esta campaña no distrito comercial e de negocios, o Canary Wharf. Os ingleses poderán coñecer así o tradicional licor café ou a caña de herbas galega e seguro que non falta a tortilla de Betanzos

"Homes e mulleres de entre 25 e 45 anos, con poder adquisitivo medio-alto, interesados na moda, música, viaxes, tecnoloxía, arte, literatura e novidades culturais en xeral". Este é o público que o Consorcio As Mariñas quere captar en Londres para promocionar a comarca coruñesa. Para convencer aos veciños da capital británica o Consorcio aposta sobre seguro: ofreceralles degustación gratuita de bebidas "de máxima calidade" e prioritariamente da área metropolitana. Haberá viño tinto e branco, orujo, licor café e licor de herbas, cervexa e outros destilados. Como máximo, tres catas de alcohol por persoa.

Estas degustación, así coma un concerto nun teatro ou sala "emblématica" de Londres cun recoñecido grupo británico acompañado dun grupo ou artista coruñés, conforman a última campaña promocional do Plan de Dinamización do Producto Turístico da Área Metropolitana de A Coruña.

O Consorcio acaba de adxudicar esta campaña promocional á empresa relacionada coa restauración Adhesión Mercantil Coruñesa SL por un importe de 127.118 euros sen IVE. Esta campaña deberá de facerse en Londres o mes que vén ou como moi tarde ata o 10 de novembro, segundo o prego de condicións do contrato.

Xunto coa bebida, os ingleses tamén probarán a comida da comarca: a adxudicataria deberá buscar un restaurante español de prestixio en Londres onde organizar xornadas de cociña galega con apoio dun cociñeiro coruñés. Tamén neste caso haberá productos típicos da comarca. Ofertaranse menús coruñeses a un prezo de entre 25 e 35 libros (a campaña subvencionará ao menos o 40% do prezo). Esta acción gastronómica terá lugar no distrito financeiro, o Canary Wharf.

Compartir en Twitter
Compartir en Facebook
El próximo lunes, a las 21.00, se disputa el Deportivo - Granada y en LA OPINIÓN te invitamos a Riazor. Responde a nuestras preguntas y gana 2 entradas en Tribuna para ver el partido. Sorteamos 2 premios.

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es