17 de mayo de 2018
17.05.2018
A CORUÑA

O Consorcio anda ao rebumbio

Seoane esixe o interventor e secretario oleirenses para o Consorcio - Culleredo e Cambre critican as súas acusacións de "machismo"

22.05.2018 | 17:48
O Consorcio anda ao rebumbio

Moito ruído e poucas noces. Os alcaldes do Consorcio As Mariñas andan á lea pola interpretación da reunión que tiveron o pasado venres, que se suspendiu, en vez de chegar a acordos do que realmente é importante para a comarca, como a loita por constituir dunha vez a área metropolitana e empezar a planificar accións comúns en favor de todos os concellos integrantes.

A reunión de rexedores do pasado venres non se celebrou. O alcalde de Oleiros, Ángel García Seoane, declarou que este encontro se suspendeu porque el non foi, ao ter outro acto á mesma hora na Coruña, e acudiu a primeira tenente de alcalde, María Xosé Varela, no seu lugar. García Seoane afirmou que por unha cuestión de "machismo" se decidiu suspender a reunión porque non lles valía a concelleira senon que tiña que estar o alcalde.

"O que querían era non facer a reunión, e buscaron unha desculpa porque nesa reunión íase tratar o de nombrar secretario e interventor por lei do consorcio. Eles teñen uns cos que nós non estamos dacordo porque a lei dí que o que ten que controlar o consorcio é o Concello de Oleiros e nós non estamos dispostos a renunciar a esto", insistiu onte Seoane, quen lembrou que a situación do consorcio se está "desmadrando" e se "tapan cousas", como a auditoría do servizo de recollida de basura, que cré incompleta e superficial.

O rexedor oleirense tamén criticou que se acordase por maioría participar nas reunións da Coruña "e o presidente consorcio e o alcalde Carral non veñen a ningunha, están boicoteando a área metropolitana, a situación do consorcio e manipulando e facendo o que lle dan a gana co consorcio", algo que segundo remarcou non vai "consentir". Seoane insistiu en que se o Consorcio ten que estar adscrito a Oleiros, como está, e teñen que ser o secretario e o interventor deste concello os que "tomen as rendas" do organismo segundo a lexislación.

O rexidor de Cambre, Óscar García Patiño, dixo que non houbo nada de "machismo" e dicir iso é algo "moi grave e inaceptable". Aclarou que foi el quen lle pediu ao presidente que aprazase o encontro porque María Xosé Varela comunicoulles que había "informes sobre como debe funcionar orgánicamente o consorcio" e el pensou que se debía esperar a ter eses informes antes de reunirse.

O presidente do Consorcio e alcalde de Abegondo José Antonio Santiso lembroulle onte a Seoane que o Consorcio é unha institución "de adhesión voluntaria e democrática" con "órganos e foros de sobra nos que realizar todo tipo de plantexamentos para gardar un mínimo de respeto entre os seus membros".

Santiso sinalou que o cambio de interventor e secretario ten que levarse a pleno. Subliñou que Abegondo aprobou incorporarse á futura área metropolitana mentres que A Coruña non, e cando este concello "dé un paso de verdade para crear a área", Abegondo participará nas reunións de A Coruña.

O rexidor de Culleredo José Ramón Rioboo, pediulles aos alcaldes "respeto e prudencia" nas súas declaracións, e aludiu ao "nerviosismo" de Seoane poa súa "política expansiva" na comarca con Alternativa. Cré que nin Oleiros nin Culleredo deben presidir o ente polo volume de traballo que teñen, que "dificultaría a atención", e considera que o actual presidente Santiso "está facendo unha boa xestión". Calificou de "intolerables" as referencias ao machismo e pediulle a Seoane que deixe de usar o Consorcio "con fins partidistas".

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


esquelasfunerarias.es
Enlaces recomendados: Premios Cine