O BNG e Ciudadanos son os dos únicos partidos que quedan en Oleiros por presentar candidato. O Bloque, mañá venres, fará un acto para anunciar que Fran Rei, actual voceiro municipal, presentará a súa candidatura para encabezar de novo a lista de cara á Alcaldía de Oleiros.
Os nacionalistas farán una asamblea de elección de candidatura o próximo día 11, pero espérase que só se presente a de Fran Rei, que xa foi número un nas anteriores eleccións. O acto de mañá, ás 20.00 horas no restaurante O 13 de Santa Cruz, será un evento informal e aberto no que haberá tamén pinchos.
