03 de octubre de 2019
03.10.2019
La Opinión de A Coruña
Xosé Bocixa || Autor do documental '12 Leiras'

"Participo polo espolio non contado nesa época na comarca de Arteixo"

"Nas Encrobas foi onde a xente perdeu o medo, pero xa volvemos vivir con el"

03.10.2019 | 02:41
Xosé Bocixa

Por que decidiu participar neste proxecto?

Participo polo espolio non contado nesa época na comarca de Arteixo, de como me contou Xabier como se apoderaron dese territorio, que simboliza o poder económico e está tomado por unha das grandes empresas que arrasan o mundo. Eu son unha persoa que nas Encrobas viviu algo semellante. Son natural das Encrobas e vin o proceso das expropiacións e de que como foron caendo as aldeas.

Ve similitudes con este caso?

Si, porque no fondo é o mesmo. É apoderarse dun territorio para a riqueza dunha gran empresa nas Encrobas e moitos neste caso.Eu non estou en contra da industrialización, pero ten que serracional e respectando ás persoas que habitan estes territorios. Nas Encrobas houbo unha reacción, porque xa estábamos no final do franquismo e aquí estaba moi vivo e había moito medo. Nas Encrobas foi onde a xente perdeu máis o medo, na época de Transición. Hoxe xa volvemos vivir con medo porque son as falsas democracias nas que o que protesta émachacado legalmente.

Por que cre que se produce esta involución?
A Lei Mordaza. Prodúcese esta involución porque se non a sociedade revolveríase. Estábase revolvendo. Cal é a maneira de continuar a política do medo? O xeito democrático de manter a poboación controlada é a base de lexislación, Lei Mordaza, iso que non permite falar libremente. Hoxe vas á cadea por dicir "abaixo a monarquía". Recuperar a memoria é importantísimo, que a xente de Arteixo coñeza o sufrimento dos seus antepasados.

Cal era a reacción dos veciños con este documental de Sabón?
Xabier falou con algunha xente previamente, pero chegamos a outra xente que non o sabía. O que eu apreciei foi unha alegría inmensa por poder contar aquilo que sucedeu, porque foi unha inxustiza que aínda levaban na súa cabeza. E en algúns casos no que amargura persiste. Detectei anecesidade de contalo.

Compartir en Twitter
Compartir en Facebook
esquelasfunerarias.es