A deputada responsable da área de Lingua, María Muíño, e o presidente de Correlingua, Anxo Terán, asinaron onte na Deputación da Coruña o convenio de colaboración polo que a institución compromete o seu apoio ás carreiras polo idioma que cada ano se desenvolven en todo o país e, concretamente, nos concellos de A Coruña, Santiago de Compostela e Narón que foron as celebradas na pasada edición dentro do territorio da provincia.
Con este acordo, o Goberno provincial destina un total de 20.000 euros para apoiar a organización de actividades que se desenvolven arredor das carreiras encamiñadas á normalización lingüística.
Ademais das carreiras pola lingua, o proxecto de Correlingua inclúe a organización de concurso escolares, concursos musicais e difusión con distintos soportes da animación a usar a nosa lingua.
