"Vou poñer tres mesas fóra, pero non é terraza como tal. Vounas poñer para que a xente poda esperar a comida para levar tomando un viño ou unha caña. Tal como está a situación, non creo que a xente se decida a comer e consumir moito nas terrazas, aínda que eu vou ter o servizo para que poidan comer alí", explica o propietario do restaurante e a tenda gourmet Decánta-t, de Sada, que no confinamento fixo entregas a domicilio. "Nos establecementos adicados a cafetería ao mellor si, pero no meu caso creo que seguirá sendo máis consumo de levar. O de comer será máis lento", augura. "Esta medida favorece máis aos do sur que aos do norte de España. A min a terraza non me vai supoñer nada", afirma.
