Participantes na actividade "Gosto de vivir a poesía", da asociación veciñal Agra, recitarán poemas para conmemorar o Día internacional para a eliminación da violencia contra as mulleres.
A continuación, Os Quinquilláns interpretarán "A pluma viva de Rosalía".
A pluma viva de Rosalía
Baseada nun feito real de censura á obra de Rosalía de Castro.
Montaxe teatral sobre igualdade e liberdade a partir de textos de Rosalía de Castro
No ano 1864 Rosalía de Castro visita por sorpresa a imprenta de Soto e Freire en Lugo.
Catro textos brillantes, retranqueiros e satíricos da escritora están a punto de seren publicados, mais nas oficinas da imprenta acaba de acontecer un conflito moi violento e Rosalía vai descubrir que todo ten que ver con ela e a súa obra.
