A TVG estrea este domingo ‘Xente Marabillosa’ con Esther Estévez e María Mera
A través de cámaras ocultas, o programa amosa reaccións de galegos e galegas ante situacións de discriminación | Esther Estévez será a madriña da estrea, adicada á defensa da lingua galega

A TVG estrea este domingo ‘Xente Marabillosa’ con Esther Estévez e María Mera
R.V.
Tras o éxito do formato noutras canles autonómicas como a andaluza ou a canaria, a TVG estrea este domingo, ás 22.30, 'Xente marabillosa'; un programa que vai na procura da reacción dos galegos e galegas ante situacións de discriminación a través de cámaras ocultas.
Na súa primeira emisión, ‘Xente Marabillosa’ reivindicará o uso e fomento da lingua galega e loitará contra tópicos e prexuízos. Para iso presenta unha cámara oculta na que visibilizará esta temática cunha encargada de Márketing dunha tenda que discrimina á súa dependenta por atender as clientas en galego. Haberá xente marabillosa en Galicia que salte para defendela?
Lucía Rodríguez presenta o programa e estará acompañada pola figura dun padriño ou madriña, que defende o tema que se aborda. A primera será a comunicadora Esther Estévez, do ‘Dígocho Eu’.
'Público virtual'
Dende o inicio, Esther e Lucía estarán acompañadas en plató do ‘Público virtual’, un mosaico de persoas conectadas ao programa dende as súas casas. Neste primeiro haberá galegos e galegas de diferentes partes do mundo: Arxentina, Uruguay, Suiza, Alemaña, Madrid… Tamén estarán conectados personaxes do Entroido galego como o Boteiro de Viana ou o Cigarrón de Verín e, por suposto, xente querida por Esther Estévez que buscarán sorprendela como o Digochiño ou as Tanxugueiras, entre outros.
As cámaras ocultas recrean unha situación de discriminación baseadas nun testemuño real previo. O programa contará con dúas persoas marabillosas: unha anónima e outra VIP, que será a actriz galega María Mera. Na cámara oculta, ambas reaccionan e saltan na defensa da persoa que sofre unha discriminación nese momento.
Por non mirar para o outro lado e alzar a voz, no plató serán premiadas pola súa actitude, recibindo o trofeo de ‘Xente Marabillosa’ e unha sorpresa única que lles cambiará a vida.
Neste programa de defensa do galego non pode faltar a música, da man da cantante Sheila Patricia, que mestura canto tradicional con electrónica no seu tema ‘A Moura’.
- Un veterano restaurante de A Coruña que mira hacia la ría
- Una joven cubana que ahora reside en Carballo tiene clara cual es su ciudad favorita de Galicia: 'El lugar donde me gustaría vivir
- Los 6 hábitos que indican que tienes un coeficiente intelectual alto
- El Deportivo se da cuatro años para volver a Primera y aumenta en más de un millón su límite salarial
- Un irlandés deportivista de Belfast busca a su pandilla de A Coruña en los 70
- El Concello de A Coruña cambiará el diseño de las terrazas de María Pita y regulará su mobiliario
- Ana Mena y Óscar Casas, pillados de escapada romántica en Santiago
- Jorge Fernández reconoce al fin por qué vive en esta lejana ciudad pese a grabar 'La Ruleta de la Suerte' en Madrid