Silvia Jato acompaña a Carlos Blanco nunha visita ao seu Lugo máis persoal
«É a miña casa, o meu verdadeiro lar», asegura a comunicadora, que compartirá co seu convidado os lugares da súa infancia en ‘A miña gran cidade’ (TVG, ás 21.50 horas)
Silvia Jato e Carlos Blanco, coa presentadora do programa, Noelia Rey.
Televisión de Galicia emitirá hoxe ás 21.50 horas unha nova entrega do programa de éxito, A miña gran cidade. Nesta ocasión viaxa ao Lugo de Silvia Jato. A comunicadora exercerá durante un día de anfitrioa na súa cidade natal para un convidado sorpresa: Carlos Blanco. O seu obxectivo será conquistalo e convencelo de quedar uns días de vacacións. Aínda que pasarán un día xuntos, Jato só disporá dunha hora en total para levar a cabo experiencias únicas e inesquecibles que sorprendan o seu convidado e o animen a quedar na cidade.
Os dous percorrerán os lugares e os momentos máis especiais que a lucense atesoura da súa cidade natal, que non son poucos. «Lugo é a miña casa, o meu verdadeiro lar», confesa.
No seu itinerario non podía faltar a Muralla que a viu nacer. «As súas pedras eran o primeiro que vía polas mañás», explica a comunicadora, quen se criou entre a Porta de San Pedro e Santo Domingo.
Jato compartirá co convidado e os espectadores da TVG os seus recunchos máis especiais, como a catedral de Lugo ou o mesón O Candil, e mesmo rememorará a súa infancia nunha emotiva visita ao colexio «das Pepas», onde estudou e fixo «amigas para toda a vida».
Tras unha intensa hora chea de emoción, humor e moitas sorpresas, o convidado deberá tomar unha decisión: marchar de Lugo ou quedar uns días pola gran cidade de Silvia Jato. A escolla non é nada fácil. O convidado deberá responder un cuestionario comparando Lugo co seu lugar de orixe de forma honesta antes de emitir o seu veredicto.
A miña gran cidade, o novo programa da TVG que propón un reto único: conseguir que un famoso ensine a súa cidade como nunca antes a un convidado sorpresa e o convenza de quedar nela por uns días.
En cada capítulo, o anfitrión ten só 24 horas para convencer o seu convidado de que a súa cidade é o destino perfecto por descubrir e desfrutar. Pero cunha limitación, dispón dun bono de só unha hora para facer todas as experiencias coas que sorprender o seu visitante. Ao final da visita, a celebridade convidada debe tomar unha decisión: queda pola cidade ou colle o billete de volta?
A presentadora Noelia Rey supervisará en todo momento que os famosos non excedan o tempo límite estipulado, engadindo tensión e diversión á aventura.
- Panadería Toñito expande su emporio de empanadas en Piadela con la construcción de sus nuevas instalaciones
- Las dos torres de cooperativas que se erguirán junto al Coliseum de A Coruña: casi 200 pisos y todos ya reservados
- Qué es Trison, la multinacional coruñesa afectada por un incendio en Sada que cuenta con Inditex entre sus históricos proveedores
- Un incendio en una nave de la multinacional Trison en Bergondo moviliza a bomberos comarcales, de Oleiros y de A Coruña
- La nueva pasarela peatonal en Alfonso Molina entre las estaciones de buses y trenes de A Coruña toma forma
- La Atalaya de los Jardines de Méndez Núñez de A Coruña acometerá trabajos de impermeabilización con la condición de acercarse a su estado original
- Luz, inclusión y vistas al pueblo: así será por dentro el nuevo Concello de A Laracha tras su reforma de 1,5 millones
- Las obras de urbanización de Visma en A Coruña descubren restos arqueológicos singulares
