Debates e non regueifas

Nin Touriño nin Núñez son Obama e McCain nin sequera Zapatero e Rajoy, só os seus dobres, de lonxe como no cine.

Non obstante as mañas e deformacións profesionais sábenas todas.

"Resulta que -pensan para eles- se acerca la hora de los debates en set y, claro, los cara a cara. Gargantúa y Pantagruel se lo guisan y se lo comen".

Mais se alporiza o terceiro en discordia sen prexuízo de futuras coalicións, e protesta que a súa exclusión é ilegal. Si, todos teñen as mesmas oportunidades de saída, segundo os requisitos das auténticas competicións deportivas.

Porén, na pesaxe, cada quen vale o que valen os votos acugulados, mentres non se probe o contrario.

Pasar xa pasou unha vez que o BNG lle sacara vantaxe ao PsdeG-PSOE. Éranvos tempos de liquidación por abuso de poder central.

É que neste país os absolutismos, mesmo por sufraxio universal, son mortais de necesidade.

Amais quen é o enxebre solitario?

E o máis telexénico non é o Quin?

Pois, un cachiño de cámara, please.