25 de julio de 2017
25.07.2017

A TVG emite esta noite unha gala especial para celebrar o Día de Galicia

Carlos Núñez fará tándem con Rodrigo Romaní, o violinista Jon Pilatzke e Sondeseu

25.07.2017 | 00:58
Lucía Regueiro e Xosé Ramón Gayoso.

A Televisión de Galicia (TVG) emite hoxe unha gala especial coincidindo co 25 de xullo, Día de Galicia, que terá como mestre de cerimonias ó presentador Xosé Ramón Gayoso, acompañado pola actriz Lucía Regueiro, a xornalista Lucía Rodríguez e a cantante e humorista Eva Iglesias. Catro rostros coñecidos da canle pública que se encargarán de conducir un evento que reúne no escenario unha vintena de grandes artistas.

O programa contará con duetos musicais únicos. É o caso de Carlos Núñez, un dos mellores gaiteiros do mundo, que acompañará no escenario o músico Rodrigo Romaní, fundador do mítico grupo Milladoiro, e a Sondeseu, a primeira orquestra de música folk e tradicional de Galicia, que tamén sorprenderá con temas propios. O vigués, considerado un erudito da música celta, tamén interpretará un tema xunto ao canadense Jon Pilatzke, violinista titular do grupo The Chieftains. Por outra parte, a cantante e violonchelista Rosa Cedrón compartirá escenario coa gaiteira Cristina Pato e a cantante Carol.

A gala tamén contará con artistas como Pablo Milanés, cantautor cubano ligado a Galicia; Marta Sánchez, unha das galegas máis internacionais, e o presentador e cantante Xosé Manuel Piñeiro. Ademais, haberá grandes actuacións da man do grupo de baile tradicional Nova Galega de Danza, as pandeireteiras de Xestreu, a agrupación musical De Pé Feito, o grupo Os Da Porfía, o dúo Primordiais, o músico Cristian Silva e os dúos Hugo Torreiro-Carlos Bau e Adhara-Ritman.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


Enlaces recomendados: Premios Cine