22 de agosto de 2017
22.08.2017

Primeiro ciclo de Redes e tratamento de augas en Galicia

22.08.2017 | 01:14

A Consellería de Cultura, Educación e Ordenación Universitaria ofertará o vindeiro ano académico 12.481 prazas en primeiro curso en centros públicos da provincia da Coruña, en 498 ciclos e programas formativos autorizados. A principal novidade na provincia é un ciclo de nova creación, o de FP Dual de Redes e estacións de tratamento de augas no CIFP Politécnico de Santiago. Ademais, implantaranse como novidade nos respectivos centros os ciclos de FP Básica de Servizos comerciais (IES A Pontepedriña, Santiago de Compostela), de Agroxardinaría e composicións florais (IES de Mugardos), de Cociña e restauración (IES de Sabón) e de Electricidade e electrónica (IES de Sabón).

Nos ciclos de grao superior en réxime ordinario será novo no seu centro o Deseño e amoblamento (CIFP Politécnico de Santiago). Asemade, o CEE Nosa señora do Rosario (A Coruña) incorporará á oferta o programa formativo básico de Limpeza de edificios. A oferta incorpora as súas principais novidades na FP Dual. O vindeiro curso arrincará no CIFP Paseo das Pontes (A Coruña) unha das tres dobres titulacións -que se implantan por primeira vez en Galicia- en Dirección de cociña e en Dirección de servizos de restauración, en colaboración con Arlea Hotels. Tamén se oferta por primeira vez en Galicia -e case de oferta única en España, xa que só se imparte en Cataluña-o ciclo de grao superior de Redes e estacións de tratamento de augas no CIFP Politécnico de Santiago, con Viaqua.

Compartir en Twitter
Compartir en Facebook

Selectividad 2018 A Coruña

Aprobados Selectividad A Coruña 2018

Consulta aquí toda la información sobre las pruebas de acceso a la Universidad: notas de corte, resultados y noticias


GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


Enlaces recomendados: Premios Cine