17 de mayo de 2018
17.05.2018
Día das Letras Galegas

Recitais e música pola "activista" do galego

A homenaxe a Mª Victoria Moreno arranca con lecturas e concertos - Pontevedra acollerá hoxe o pleno da RAG no que intervirán Montero, Casalderrey e Aleixandre

17.05.2018 | 01:18
Concerto da Real Filharmonia, onte en Pontevedra.

Pontevedra converteuse, desde a tarde de onte, no epicentro do Día das Letras Galega, que hoxe lembra a importancia do idioma autóctono en todo o territorio nacional con especial énfase na figura de María Victoria Moreno.

A escritora nativa de Extremadura estivo vencellada a maior parte da súa vida a Pontevedra. E precisamente por iso, a capital do Lérez acolle un elevado número de actos relacionados coas súas letras.

As diferentes iniciativas xa se levan días producindo, pero intensificáronse onte pola tarde. O local social do Burgo foi o primeiro espazo onde se lembrou Moreno. Nunha sesión lectora organizada pola asociación cultural da parroquia, levouse a cabo un recitado de textos escolleitos da autora, con comentarios e participación do público asistente.

Precisamente media hora antes oficializouse no Café Moderno a recepción oficial aos membros da Real Academia Galega (RAG) e do Consello da Cultura Galega por parte do Concello de Pontevedra. Entre as personalidades estiveron o presidente da RAG, Víctor Freixanes, o mandatario do Consello da Cultura, Ramón Villares e o tamén presidente de Afundación, Miguel Ángel Escotet.

Este acto foi a previa ao concerto da Real Filharmonía de Galicia que acolleu o Auditorio Afundación a partires das 21 horas. O mestre Maximino Zumalave levou a batuta deste recital, acompañado pola soprano compostelá Anaís Fernández e os coros integrado polos membros do Collegium Compostellanum, da agrupación Sólo Voces e do Coro de Cámara Rías Baixas.

O concerto comezou ca popular Alborada de Pascual Veiga, orquestrada por Juan Durán. Logo foi o turno de Cancións xacobeas de Antón García Abril, baseada en textos de Valle-Inclán,Cunqueiro ou Cabanillas.

Tras estas pezas chegou a estrea de Duns folios que foron brancos, que o vigués Miguel Matamoro compuso por encargo do Consello da Cultura coma homenaxe a María Victoria Moreno.Finalmente, o concerto concluiu cunha selección da obra Tres estampas galegas de Mauricio Farto.

Pero se onte destacaron os actos culturais, a axenda non frea neste 17 de maio, xornada senlleira literaria. O Teatro Principal é o lugar elixido pola Real Academia Galega para celebrar o Día das Letras Galegas. A partires das 12.30 horas ten lugar unha sesión extraordinaria e pública na que se cederá a palabra a tres membros moi vinculados a ela: Marilar Aleixandre, Fina Casalderrey e Xesús Alonso Montero, que ofrecerán tres olladas persoais á vida e á obra da autora. A sesión finalizará coa intervención do presidente da RAG, Víctor Freixanes. Mentres, a Xunta de Galicia fará o seu particular homenaxe á autora hoxe tamén en Pontevedra. O Instituto de Educación Secundaria Torrente de Ballester, onde a escritora exerceu a docencia durante anos ata a súa xubilación será o escenario do acto.

A música e a obra serán o fío condutor desta iniciativa presidida polo presidente da Xunta, Alberto Núñez Feijóo, e que contará coa participación da familia da homenaxeada.

Compartir en Twitter
Compartir en Facebook
En estas fiestas, sobran los motivos para beber elaboraciones de vino gallego. En 2018, Galicia firmó la segunda mejor cosecha de su historiay nuestras bodegas despiden el año con un buen balance en todos los sectores 

ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


Neomotor

Toda la información sobre el mundo del motor

Conoce las últimas tendencias y las novedades en coches, motos y la industria automovilística.