17 de mayo de 2018
17.05.2018

A TVG celebra as Letras Galegas coa estrea do documental 'María Victoria Moreno'

Xunto coa cobertura dos principais actos que se desenvolverán con motivo da festividade, achegaralles aos espectadores unha programación centrada na autora

17.05.2018 | 01:18
A xornalista María Solar, presentadora do ´Zigzag´ da TVG.

A canle autonómica emitirá na sobremesa de hoxe un especial do programa 'Zigzag'

Ademais da cobertura informativa dos principais actos e actividades que se desenvolverán en Galicia con motivo do Día das Letras Galegas, Televisión de Galicia (TVG) achegaralles hoxe aos espectadores variados documentais e especiais que afondan na vida e obra da autora destacada este ano, María Victoria Moreno, escritora de literatura infantil e xuvenil en lingua galega.

Para celebrar o día grande da nosa lingua e da nosa cultura, a TVG ofrecerá na sobremesa unha edición especial do programa Zigzag, en que, baixo o lema Os herdeiros de María Victoria, fará un percorrido polos autores galegos que máis venden na actualidade nos distintos xéneros literarios, ademais de realizar entrevistas a escritores en quen tivo unha especial pegada a súa relación coa autora homenaxeada, como é o caso do poeta e narrador Xesús Rábade Paredes, un dos seus discípulos máis destacados, e da súa filla, María do Cebreiro. Entre as persoas coñecidas que intervirán neste especial sitúanse o escritor Manolo Rivas, a músico Guadi Galego e o actor Xúlio Abonjo, que ofrecerán a súa reflexión particular sobre a efeméride.

Desde que comezou o mes de maio, Zigzag Diario está emitindo reportaxes e entrevistas arredor da escritora homenaxeada o Día das Letras Galegas. A autora ten, en cada edición, un espazo no programa para falar da súa biografía e figura a través dos seus libros. Ademais, dáse conta das exposicións, músicas, concursos infantís e homenaxes teatrais que estes días toman forma sobre as táboas.

O Día das Letras Galegas estrearase, amais, na TVG e na TVG 2 o documental María Victoria Moreno sobre a vida e obra da autora homenaxeada este ano. Na segunda canle da Galega emitirase, a maiores, o documental Manuel María. Paixón de palabra e terra, dedicado a esta figura fundamental para a restauración da lingua e da literatura galegas nos anos de posguerra, sendo o primeiro autor novo que publicou un libro en galego despois da guerra civil.

Na TVG 2 tampouco se esquecerán esta xornada dos máis pequenos da casa e seguirá ofrecéndolles as novas entregas da serie dos Bolechas, baseada na colección As miñas primeiras Letras Galegas. Nas faixas do almorzo e da merenda poden ver no formato dos Bolechas unha entrega centrada nun autor ou autora ao que se lle dedica esta data. En total son sete capítulos que achegan a figura e obra de Ánxel Fole, Carlos Casares, Álvaro Cunqueiro, Manuel Murguía, Eduardo Pondal, Rosalía de Castro e a propia María Victoria Moreno.

A obra de María Victoria Moreno está entrando nos fogares galegos ao longo de toda a semana tamén a través de pezas audiovisuais realizadas a partir do conto A festa no faiado e da novela xuvenil Anagnórise, dúas obras representativas desta autora, que se irán intercalando entre a programación da TVG.

A Radio Galega, pola súa parte, implicarase tamén coa celebración da efeméride, ofrecendo contidos que permitan un maior coñecemento da autora e da súa obra.

As propostas matinais da emisora darán comezo co presentador Kiko Novoa desprazado no Teatro Principal de Pontevedra para realizar en directo o espazo Galicia por diante, entre as 08.00 ata as 12.00 horas, que dará comezo o acto oficial do Día das Letras e será transmitido pola web da Crtvg. Neste especial, a convidada dos Almorzos, tamén en Pontevedra, será Fina Casalderrey, escritora e membro da Real Academia Galega das Letras.

O programa Diario Cultural ofrecerá, como é costume nesta data, unha edición monográfica sobre as Letras Galegas.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario