28 de mayo de 2018
28.05.2018

O 'Zigzag' falará do festival Elas son Artistas coas súas programadoras

O espazo da TVG 2 visitará unha exposición que explora o retrato no MAC da Coruña

28.05.2018 | 00:35

Yolanda Villa e Bea Camiña, organizadoras de Elas son Artistas, acoden hoxe ao programa Zigzag da TVG 2 para falar do primeiro festival metropolitano de música e artes pola igualdade, unha iniciativa integral onde se combina o público co privado para darlle voz á muller coma profesional, coma artista e coma creadora. Elas son Artistas ofrecerá actuacións de música, poesía, danza e teatro polos concellos da Coruña, Arteixo, Betanzaos, Cambre, Culleredo, Oleiros e Sada do 31 de maio ao 6 de xuño.

O espazo da TVG 2 tamén incluirá esta tarde unha entrevista con Manuel Cráneo e Cristian Fojón, editor e autor do cómico colectivo Licor Café. Esta bebida fortemente vinculada a Galicia é o leit motiv para o desenvolvemento de 13 historias curtas de estilo moi diverso que, coma pequenos tragos, ofrecen unha rápida degustación do que están a facer na actualidade os novos creadores do cómic galego.

Ademais, Zigzag visitará no MAC da Coruña a exposición Mírame. Retratos y otras ficciones, que explora o retrato, un dos xéneros máis tradicionais da arte, a través dunha selección de preto de 40 obras pertencentes á colección La Caixa. Pinturas, fotografías, esculturas, vídeos, debuxos e instalacións forman un labirinto de olladas que convidan os espectadores a reflectirse eles mesmos no espello social dos retratos.

Por último, o programa ofrecerá unha reportaxe sobre os premiados na 15ª edición do Festival de Cans, que a pasada fin de semana encheu de agroglamour esta aldea do Porriño.

Compartir en Twitter
Compartir en Facebook

Neomotor

Toda la información sobre el mundo del motor

Conoce las últimas tendencias y las novedades en coches, motos y la industria automovilística.

 

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario