As receitas que se identifican cos días de calor ou de frío será hoxe o tema de conversa no programa Larpeiros da TVG . Por exemplo, para moita xente, os xeados son cousas do verán, pero para outros a temperatura da rúa non importa: todos os días son bos para tomar un xeado. En realidade, hai moitos pratos que valen tanto para o inverno coma para o verán, como a empanada, un dos pratos estrela da cociña galega e un dos máis versátiles.
Na entrega de hoxe, Adrián encargarase da sobremesa e para iso desprazarase nesta ocasión ata o concello coruñés de Bergondo, onde, coa axuda da man de Iria e Amalia, aprenderá a facer un xeado que está a facer as delicias dos máis lambóns.
