14 de octubre de 2018
14.10.2018

A pesca da robaliza en Fisterra, esta tarde no 'Pescadores de historias' da TVG

O espazo que presenta X. H. Rivadulla contará como pescan os mariñeiros da localidade coruñesa un dos peixes máis valorados

14.10.2018 | 01:05
X. H. Rivadulla Corcón con Manuel Castreje.

O espazo Pescadores de Historias da Televisión de Galicia (TVG) contará esta tarde como pescan os mariñeiros de Fisterra a robaliza, un dos peixes máis valorados, tanto na gastronomía mariñeira coma entre os bos pescadores. O motivo é o seu sabor tan especial e que a súa pesca apaixona os mariñeiros que a practican, pero é unha pesca perigosa, porque xeralmente se realiza en rompentes, onde as embarcacións poden esnaquizarse contra as pedras.

Un dos grandes pescadores de robaliza de Fisterra, Manuel Antonio Castreje, levará o equipo de Pescadores de Historias na súa embarcación. El aprendeu dos vellos mariñeiros da vila e, polo tanto, quere ser fiel á tradición e é un defensor da pesca sostible. Outro apaixonado desta pesca e da vida mariñeira é Agustín Traba Tinito, cuxa vida non ten sentido se non está relacionada co mar, a pesar de que tivo cinco naufraxios.

A robaliza hai que vendela na lonxa, onde polo xeral alcanza prezos moi interesantes para os mariñeiros, como Julio Sar, que explicará porque é unha das especies de maior facturación. Tamén falará da venda da robaliza a peixeira María José Santos.

Visita ao Museo da Pesca

Ademais, o programa pasará polo Museo da Pesca de Fisterra, un lugar onde se atesoura moito saber mariñeiro, e farao cun dos maiores expertos da cultura da pesca en Galicia: Alexandre Nerium, o guía do museo, que comentará como se facían orixinalmente as liñas para pescar a robaliza. E, para xantar un bo exemplar, o presentador do espazo da TVG, X.H. Rivadulla Corcón, irá ao restaurante O Centolo, un dos establecementos cunha maior tradición de Fisterra, onde agardan Juanjo Rey e Victoria Domínguez para preparar unha robaliza á tella, unha receita da súa propia creación.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia
 


ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario