16 de mayo de 2019
16.05.2019

A RAG trasládasea Cotobade en homenaxe a Fraguas

A entidade celebrará mañá o seu pleno no lugar natal do autor || Queremos Galego convoca unha ducia de manifestacións en defensa da lingua

15.05.2019 | 21:01
Ofrenda floral na tumba de Antonio Fraguas.

Actos en homenaxe do autor Antonio Fraguas e de reividicación da cultura e a lingua galega protagonizarán mañá o Día das Letras Galegas en toda a comunidade. Como é habitual a Real Academia Galega (RAG) celebrará un pleno extraordinario nun lugar vinculado ao autor homenaxeado e neste caso, os académicos trasladaránse ata a carballeira de Famelga no concello de Cercedo-Cotobade (Pontevedra). Ademáis a plataforma Queremos Galego volve convocar a cidadanía a sair á rúa en defensa da lingua galega, pero nesta ocasión non haberá unha única manifestación en Santiago senón que haberá concentracións en trece localidades. Na Coruña a protesta terá lugar as 12.00 horas na praza de Galicia.

Membro das Irmandades da Fala e do Seminario de Estudos Galegos (SEG) na mocidade, etnógrafo, historiador, director e presidente do Museo do Pobo Galego, profesor e narrador oral, Antonio Fraguas Fraguas (Cotobade, 1905-Santiago, 1999) conta cunha biografía que ofrece un percorrido "por boa parte da historia galega do século XX no que contribuíu ademais a proxectar o galego como vehículo de expresión válido para calquera coñecemento", segundo indican na RAG, onde destacan "o seu compromiso coa lingua e a cultura galegas".

Para homenaxear a este autor „que afondou en temáticas tan diversas como a xeografía, a arqueoloxía e a historia e que estoudou a fondo a cultura labrega con temas como o entroido, as festas, as crenzas, as romarías ou as cantigas, presentes nos seus textos„ a RAG traslada o seu pleno extraordinario do venres ata a carballeira de Famelga na parroquia de Augasantas en Cotobade, ao pé da escola na que estudiou de cativo. Os membros da Academia Clodio González Pérez, Fina Casalderrey e Francisco Díaz Fierros ofrecerán tres alocucións sobre distintos aspectos da vida e da obra do homenaxeado.

Por outra parte, Queremos Galego volve a convocar concentracións en defensa da lingua en trece localidades galegas. No caso da Coruña será unha concentración ante a sede do Tribunal Superior de Xustiza de Galicia (TSXG) para exixir "liberdade, igualdade e xustiza para o galego".A organización informou onte de que esta protesta irá no marco da dúcia de movilizacións convocadas nas principais cidades e vilas galegas con motivo da conmemoración do Día das Letras Galegas.

Baixo o lema Máis que nunca, Queremos Galego, o colectivo busca lembrar a importancia que os servicios municipais de normalización lingüística, as empresas concesionarias ou a formación do funcionariado teñen na "defensa" da lingua. Deste modo este ano amplíase a protesta mais aló de Santiago.

Compartir en Twitter
Compartir en Facebook

GALICIA EN VINOS

Galicia en Vinos

Todos los vinos de Galicia

Consulta aquí todos los vinos de las cinco denominaciones de origen de Galicia


ESPECIAL

PREMIOS OPINIÓN MÚSICA RAÍZ

Premios Opinión da Música de Raíz

Consulta aquí a información dos premios de música do noso diario


Neomotor

Toda la información sobre el mundo del motor

Conoce las últimas tendencias y las novedades en coches, motos y la industria automovilística.