17 de mayo de 2019
17.05.2019
La Opinión de A Coruña

A Xunta dota con 102 millóns ata 2021 o plan para reformar a Atención Primaria

O groso da inversión será para renovar equipamento e reformar centros de saúde. A plantilla reforzarase con 331 prazas adicionais. Este ano, 36 millóns

16.05.2019 | 21:30
A Xunta dota con 102 millóns ata 2021 o plan para reformar a Atención Primaria

Tras varios meses de negociacións cos sindicatos, os colexios profesionais e as sociedades científicas, a Xunta aprobou onte o Plan de Atención Primaria para o trienio 2019-2021 co que pretende reformar este nivel asistencial e paliar o déficit de facultativos para cubrir as necesidades dunha poboación cada vez máis envellecida. O acordo pon ademais as cifras concretas de gasto, que ata agora o Sergas non desvelara nas súas negociacións. O plan estará dotado con 102 millóns de euros adicionais sobre o orzamento xa aprobado para a sanidade, dos que 36 achegaránse este ano, 40 en 2020 e o resto, algo máis de 26 millóns, en 2021.

Do total, algo máis de 17 millóns corresponderán á partida destinada a reforzar o persoal; 5,6 a incrementar o volume de vacinas (gripe e papiloma humano) e, o groso do investimento, 79,5 millóns, a anticipar a reposición de equipamento e as reformas e construción de centros de saúde. "Adiántanse 80 millóns en obras e equipos en función da cesión de chan e dos prazos de adxudicación da Lei de Contratos Públicos", advertiu Alberto Núñez Feijóo, ao termo do Consello, dando a entender que algunhas actuacións poderíanse atrasar.

O plan prevé a contratación de 331 profesionais destinados a reforzar o persoal da Atención Primaria. Deles, 80 serán prazas de médicos de familia, 20 de pediatría, 17 novos MIR de medicina familiar e outros seis de MIR de pediatría. Ademais, incrementaranse en 130 as prazas de enfermería, catro as de farmacia, 20 as de matronas, 40 as de fisioterapia e catorce as de traballo social. En total, para este persoal "adicional" destinaranse 17,2 millóns.

A reforma inclúe o novo contrato para dar estabilidade aos substitutos, cunha duración de entre un e tres anos, e unha remuneración anual de 61.500 euros. Esta modalidade está destinada a médicos de familia e pediatras, sobre todo aos que se atopan en fase en formación e que terminan a súa residencia neste mes de maio. "Se alguén coñece algún médico ou pediatra que queira traballar en Galicia, estamos en disposición de contratalo", comentou Feijóo.

Compartir en Twitter
Compartir en Facebook

SELECTIVIDAD A CORUÑA 2020


Toda la información sobre la selectividad

Consulta aquí toda la información sobre las pruebas de acceso a la Universidad: notas de corte, resultados y noticias

Neomotor

Toda la información sobre el mundo del motor

Conoce las últimas tendencias y las novedades en coches, motos y la industria automovilística.