Lucía Rodríguez e Fran Cañotas daranlles a benvida aos espectadores desde Caldas de Reis, xa que desde hoxe se citarán nesta localidade pontevedresa 8.500 persoas por día para gozar das variadas propostas musicais do Festival Portamérica. Na edición deste ano pasarán polo escenario artistas como Andrés Calamaro, Amaia, Sidecars, Rozalén, Carlos Sadness e Zahara, entre outros. No tempo do Adiviña quen vén esta tarde cataranse os doces típicos da localidade, entre os que non poden faltar as roscas e a torta de arandos; haberá un desfile de moda de traxes de festa para todas as idades, e farase deporte no club náutico Umia.
