08 de julio de 2019
08.07.2019
La Opinión de A Coruña

As historias de amor máis romáticas volven á TVG co programa 'Casamos!'

Esther e Samuel, de A Pobra do Caramiñal, son os protagonistas da entrega de hoxe

07.07.2019 | 20:19

As historias de amor máis románticas volven á Televisión de Galicia (TVG) cunha nova temporada de Casamos!, o programa que ofrece un retrato coral sobre o universo das vodas en Galicia.

Esther e Samuel, os protagonistas desta noite, estaban preto e lonxe á vez. Os dous traballaban na mesma empresa gasolineira, iso si, un en Raxó e o outro na Pobra do Caramiñal. O destino quixo que se xuntaran para ir a unha reunión en Madrid, á que en principio non estaban convocados.

Axiña conectaron e comezaron a quedar, pero a distancia pesaba moito na súa relación e causaba estragos. Tamara, a filla de Samuel, foi a que primeiro se mudou xunto a Esther, e Samuel non tardou en facer as maletas e unirse á familia. Agora, tras cinco anos de relación e unha pedida de man ben orixinal, Esther e Samuel deciden dar un paso máis e casar. Farano nunha voda íntima, chea de detalles e rodeados da xente que os quere.

'Adiviña quen vén esta tarde'

Por outra banda, Adiviña quen vén esta tarde non podía perder o día das Peñas de Boiro, polo que hoxe fará o seu programa en directo desde o Parque da Cachada desta vila. O equipo do programa estará por suposto coas Peñas, eses grupos de amigos que se xuntan para gozar destas festas. Tamén coñecerán os remeiros de Cabo de Cruz, o club de traíñas que leva o nome de Boiro por todo o mundo. A banda sonora desta tarde poraa Mar Dávila, un talento da Pobra do Caramiñal.

Compartir en Twitter
Compartir en Facebook

Neomotor

Toda la información sobre el mundo del motor

Conoce las últimas tendencias y las novedades en coches, motos y la industria automovilística.

 

Lo último Lo más leído