Familiares e personalidades da cultura e a política despiden a García-Bodaño
REDACCIÓN
“O compromiso coa lingua é unha constante na súa traxectoria e, ademais de bo poeta, García-Bodaño era un home dun trato encantador, moi próximo. Eu, particularmente, quedo contenta de que a Academia, que fai todos os anos unha homenaxe polo Día da Poesía, a Salvador lla fixera en vida”, expresou a El Correo Gallego (do mesmo grupo editorial que LA OPINIÓN) a escritora Marilar Aleixandre, unha das primeiras en chegar, xunto coa familia, á capela ardente de Salvador García-Bodaño.
Instalado no auditorio do Museo do Pobo Galego, do que foi cofundador, co estandarte de Santiago e cuberto coa bandeira de Galicia, diante do seu féretro congregáronse multitude de personalidades do mundo da cultura e da política de toda Galicia. “Estamos despedindo unha figura enorme por todo o que representa, tanto para a cultura do noso país como polo grandísimo valor cívico que tivo sempre, o seu compromiso coa lingua e con todo o que tiña que ver con Galicia, en xeral, e Compostela en particular”, resumía Mercedes Rosón para quen “desde a perspectiva de Santiago hai poucos poetas que falaran tanto e tan ben de Compostela”.
A concelleira de Acción Cultural e o alcalde de Santiago, entre outros membros da corporación, sen distinción de siglas nin partidos, quixeron despedir a quen foi fillo adoptivo da cidade e presidente de honra do Ateneo santiagués. Sánchez Bugallo chegaba sobre a unha e media da tarde acompañado do presidente da Xunta, Alfonso Rueda, o conselleiro de Cultura, Román Rodríguez, o secretario xeral de Política Lingüística, Valentín García, ou o director xeral de Cultura, Anxo M. Lorenzo. Tamén do presidente da Real Academia Galega que se referiu a García-Bodaño como o “Poeta de Compostela”.
- SociedadVivir con lipedema: “Me sentí liberada al saber por qué ganaba tantos kilos”
- SociedadEl primer fármaco contra el hígado graso avanzado llegará a toda Europa
- SociedadEl nombre para niña más bonito del mundo que está de moda en España: propio de una reina
- SociedadLa nueva ayuda del Gobierno de 1.000 euros en un pago único: solicítala ya si cumples este requisito
- SociedadFrancisco Fernández, en tratamiento de un cáncer de colon en A Coruña: “Mis expectativas son buenas gracias al cribado”
- SociedadEstos apellidos comunes en Galicia indican que desciendes de los árabes
- SociedadMás de 31.000 hogares monoparentales claman en Galicia contra la Ley de Familias
- SociedadCerco a mascotas exóticas: iguanas, anfibios y reptiles con veneno, ilegales desde el viernes