O Consello da Cultura custodiará os escritos do galeguista Lois Tobío e o diario da súa dona
Os documentos son testemuño de etapas senlleiras da historia de Galicia e reflicten a visión dun galeguista comprometido coa súa terra
Redacción
A filla do histórico galeguista Lois Tobío, Constanza Tobío, asinou onte co Consello de Cultura Galega (CCG) un acordo de cesión do fondo documental do seu pai, que lle encomendou que as súas memorias se gardasen nunha institución pública galega, e anunciou a futura doazón do diario da súa nai, María del Carmen Soler.
Este documento que reúne 40 anos de memorias, desde o 23 de xaneiro de 1939, día no que casaron, supón un manifesto histórico que recupera outra perspectiva da vida de Tobío e a realidade que vivían. Nel, María del Carmen, de nacionalidade uruguaia, afirma que se sentía “galega” a pesar de non visitar nunca a comunidade autónoma.
Escritor, xornalista, galeguista militante e diplomático comprometido coa Segunda República, as memorias de Tobío permiten seguir as iniciativas de construción da identidade de Galicia e a súa recuperación desde América tras o triunfo do golpe de Estado. Ademais, ofrecen unha aproximación á creación do estatuto de Galicia ou a constitución do Consello. Unha viaxe ao pasado que percorre momentos clave do século XX, como a evacuación de Barcelona do Goberno republicano en xaneiro de 1939.
Un legado, segundo destacou o historiador Ramón Villares “importante por si mesmo, porque Tobío é un dos grandes, pero tamén en relación co legado doutros compañeiros, como poden ser Filgueira Valverde, Paz Andrade e moitos outros”.
Durante o acto, celebrado onte na sede do Consello, Constanza Tobío manifestou sentirse feliz de cumprir a vontade do seu pai, que lle trasladou anos antes de falecer o seu desexo de transmitir as súas memorias a súa lexítima herdeira, Galicia.
- Los nuevos contratos de atención en el hogar superan ya los 23 euros por hora
- La nueva casa de Ana Peleteiro: vuelta a Galicia, dos plantas y en su ciudad natal
- El Supremo confirma la condena de 14 años de cárcel a 'El Chicle' por violar a cuñada cuando era menor
- Casi 300.000 gallegos no podrían comprar tabaco durante toda su vida si se aplicase el veto inglés
- Rumbo a Lorient, a final da Champions tradicional
- Pepe Solla gana el concurso de tiraje de cerveza en Despesques
- El Foro Rural Sustentable concluye con decenas de iniciativas para impulsar el campo
- Sorteo de El Gordo de la Primitiva del domingo 21 de abril de 2024