Inimitables trae esta noite o repertorio máis popular das tascas, interpretadas polos mellores músicos da terra. Presentado por Arturo Fernández, o espazo da Televisión de Galicia (TVG) percorrerá hoxe os éxitos da música de taberna, que son lugares en que aos galegos lles gusta cantar. Quen teña viño, Lévame lévame, Almas errantes ou Inda Canto de Treixadura serán só algúnhas das cancións do canto de taberna que os mellores grupos interpretarán no programa.
Deste xeito, os máis festeiros da taberna estarán en Inimitables, con cancións que se fixeron famosas na tasca e logo chegaron aos escenarios. O cartel de Inimitables abrangue o mellor da música en Galicia, con nomes tan coñecidos como Sés, Combo Dominicano, Andrés Suárez, Eladio y los Seres Queridos, Treixadura, De Vacas ou A Roda.
