Manuel Rivas guía o Roteiro da Coruña Libertaria

O Roteiro da Coruña Libertaria, coa participación do escritor Manuel Rivas, arrinca este sábado (11.00 horas) da Dársena, onde se produciu a queima de libros dos ateneos a mans dos fascistas en agosto de 1936, e fará paradas en lugares de referencia histórica e valor simbólico, como a biblioteca Xerminal, cunha homenaxe no cemiterio mariño de San Amaro ás vítimas da represión social de 1901. Rematará cunha comida popular vegana na Praia das Lapas. As 20,00, proxectaranse documentais libertarios no Centro Social Okupado A Insumisa.