Alonso Montero louva a "intensa actividade cultural" e o "traballo incansable" do autor
O presidente da Real Academia Galega resalta que Neira Vilas "é moito máis que o creador de Balbino", o protagonista da súa obra 'Memorias dun neno labrego'
A Real Academia Galega (RAG) manifestou onte o seu pesar polo falecemento do escritor Xosé Neira Vilas, que deixou un "importante legado" ás letras galegas, especialmente mediante Memorias dun neno labrego, a novela "máis lida e traducida".
Relacionadas
O presidente da Academia, Xesús Alonso Montero, indicou nun comunicado que "miles de lectores" se sentiron fascinados polos personaxes desta obra e percibiron que Balbino, o protagonista, "tiña razón cando dicía que no mundo non debía haber pobres".
Así mesmo, Alonso Montero sinalou que Neira Vilas é "moito máis que o creador de Balbino", e, consecuentemente, recordou algunhas outras das súas obras como Xente no rodicio ou Aqueles anos de Moncho.
O presidente da RAG destacou que o autor realizou "un traballo incansable" a favor da "memoria na emigración" durante a súa estanza en Arxentina e Cuba.
Alonso Montero recordou que en 1969 Neira Vilas tamén foi o fundador da Sección Galega no Instituto de Literatura e Lingüística en Cuba e da fundación que leva o seu nome, mediante a cal realizou unha "intensa actividade cultural" para os habitantes da zona do Val do Ulla (Pontevedra).
Finalmente, o presidente da Academia tamén quixo sinalar as colaboracións en prensa de Neira Vilas, que realizou ata "o último momento".
Más en Cultura
-
Muere el actor británico Bernard Hill, conocido por 'El Señor de los Anillos o 'Titanic', a los 79 años
-
Madonna convierte la playa de Copacabana en la mayor discoteca del mundo y pone a bailar a 1,5 millones de fans
-
Un investigador de Córdoba descubre la hija oculta que Picasso tuvo con la modelo Germaine
-
Murcia prepara nuevas ayudas para los toros ante el desaire del Ministerio